Hæ hæ og hó

Jæja ég var að klára að setja inn nokkrar nýjar myndir svo ég ákvað að skrifa smá blogg líka
Það er sko búið að vera nóg að gera síðustu daga. Á mánudaginn síðasta byrjaði Alexander á leikaskóla! Já þetta var ekkert smá stór dagur fyrir hann og mig,,,,hehe. Fyrst vikan er alltaf róleg, þá er aðlögun og mér finnst mjög fínt að fara hægt í þetta. Ég ákvað að halda plássinu hjá dagmömmunni út vikuna svo að hann gæti farið til hennar eftir aðlögun á daginn. Mánudagurinn var bara smá heimsókn þar sem ég var með honum allan daginn. Leikskólinn heitir Hlíð og deildin hans heitir Álfahlíð Ég er alveg mjög ánægð með allt enn sem komið er. Fóstrurnar eru alveg frábærar og aðstaðan góð. Smá saman fór ég svo að skilja hann eftir, fyrst klukkutími, svo tveir tíma og svo endaði þetta með að hann var næstum fullan dag á föstudaginn. Aðlögunin gekk rosalega vel, hann fór aldrei að gráta þegar ég fór heldur vinkaði mér bara og sagði bæ bæ mamma. Ekkert smá dugleg og alveg ótrúlega stolt móðir sem gekk út. Fóstrurnar voru mjög duglega að hrósa honum og segja að hann sé roaslega duglegur og alveg greinilega mikil félagsvera. Hann veit heldur ekkert skemmtilegra en að leika sér með hópi barna. Ég hef fulla trú á að þetta eigi eftir að halda áfram að ganga svona vel því þessi litli strákur sem við eigum er algjör hetja 


Annars er bara allt gott að frétta, það er nóg að gera í vinnunni hjá mér sem er æði, ég elska líka vinnuna mín. Hversu gott er það þegar maður er að gera eitthvað sem maður hefur gaman af allan daginn og er að vinna með fólki sem er yndisleg  Á morgun ætla ég svo að skella mér í leikfimi eftir of langa pásu. Ætla að kíkja í tíma í World class laugum og hlakka mikið til að fá þetta aftur inní rútínuna mína, maður verður bara svo miklu orkumeiri, glaðari, hressari, ferskari.....já ég gæti endalaust talið upp.

Af Kára okkar er allt gott að frétta. Hann er enn í Noregi og það gengur bara vel hjá honum. Hann er líka svo duglegur og ég veit að yfirmennirnir hans eru ekkert smá ánægðir með hann og vinnubrögðin hjá honum, Enda veit ég að hver sá sem fær Kára í vinnu getur sko verið ánægður því þar er á ferðinni fyrsta flokks smiður, sem hefur svo gaman að því sem hann er að gera og gerir það svooo vel  Það stóð til að Kári kæmi heim núna á föstudaginn en það þarf að öllum líkindum að fresta heimkomunni um viku þar sem það þarf að klára verkefnið sem þeir eru með á næstu tvem vikunum. Við Alexander vildum auðvita helst allaf hafa hann heima en auðvita verður þetta ekkert mál þar sem það er mikið að gera og hann verður kominn heim áður en við vitum af  Alexander finnst alltaf rosalega gaman að tala við pabba sinn í símann, segir hátt og skírt Halló Pabbi í hvaða síma sem hann kemst í. Svo þegar þeir feðgarnir eru að tala saman þá segir hann pabba sínum hvað hann er sterkur, sýnir honum bíla, duddur og dót í gegnum símann og svo auðvita gefur hann honum alltaf koss

En jæja ég læt þetta duga í bili...verið nú dugleg að kvitta þið sem kíkið hingað inn 

Hæ Hæ og Gleðilegt nýtt ár :)